කවිය
කවියක් ලියන්නැයි
ඔබ මට
කොතෙක් කීවත්
කවියක්
ලියන්නට නොහැක
කවියක්
ඉබේ බිහිවෙනවා මිස
කවිය
හදවතේ කොනක
පිළිසිඳ
ඖචිත්‍යයෙන්
ඔපවී
උපමා රූපකවලින්
හැඩගැන්වී
රමණීය බසින්
මටසිලූටු වී
ගැබ්ගෙන
විලි රුදා මැද
ප‍්‍රසූත වෙයි.
ඒ කවිය
හෘදයංගමව
අප අමතන විට
ජීවිතය
විනිවිද දකියි
කාන්තාවක සේ
උපදෙස් දෙයි
කවිය තනිකමට
අප සමග
ගමන් යයි
හුදෙකලාවට
අපිට
තනි රකියි
කවිය
අපේ සමීප
මිතුරාය
කවිය
කවියමයි
කවියා
කවියාමයි
About Me
- උදේනි සරත්චන්ද්‍ර ලියූ කවි
- Kurunagala, Sri Lanka
- මේ කවිවලින් බොහොමයක් දශක තුනකටත් වඩා පැරණිය. එහෙත් ඒ කවි අප මන බඳින්නේ නවීන නිර්මාණ ලෙසිනි. මන්දයත් නිර්මාණයක නවීනත්වය තීරණය වන්නේ කාලය හෝ විෂයය මත නොව දෘෂ්ඨිය මත වන හෙයිනි. හුදු පත්තර හා දැන්වීම් බසින් නීරස අනුකාරක රීතියකින් ප්රහේලිකා ස්වරූපයෙන් මෙසමයෙහි කවි යැයි ලියැවෙන බොහෝ ගම්වැසි වදනරුත් අතර මෙම කවියාගේ නිර්මාණයන්හි පරිණත බවද, සංයමය ද තුළ වර්තමාන තරුණ කවීන්ට ඉගෙන ගතහැකි දේ බෙහෙවි. අධිනීතිඥ ඩබ්ලියු.ඒ.අබේසිංහ
No comments:
Post a Comment